Like us on Facebook and receive a 20% discount
Subscribe our newsletter and get unlimited profits
Be our regular customer to get personalized gifts
شحن مجاني للطلبات التي تزيد عن 900 جنيه
كن عميلنا الدائم للحصول على هدايا شخصية مخصصة لك

الخصائص:

نبات زنبق السلام او نبات الأشعة البيضاء او نبات السباثيفيليوم (SPATHIPHYLLUM) موطنه الاصلي جنوب امريكا. يتميز النبات باوراقه الكبيرة ذات اللون الاخضر الغامق و ازهاره البيضاء الجميلة. النبات بينمو في الغابات المطيرة تحت الاشجارازهارها بتقعد اسابيع و يمكن شهور; و من اهم مميزاتها ان ناسا حطتها ضمن اهم 10 نباتات لازم تبقي في البيوت زائد انها مهمة جدا لمرابي الحيوانات الأليفة و خصوصا القطط لقدرتها علي امتصاص الأمونيا من الهوا و ده بيساعد علي التخلص من الروائح الكريهة في مكان الصندوق يعني ممكن تحط كذا واحدة في مكان مرتفع بعيد عن متناول القطط مع توفير احتياجات النبات.

قابلت مشاكل مع النبات ده قبل كدة و هي ان القصرية كانت فيها فتحات كبيرة و ده بيخليها تنشف بسرعة زائد ان الباعها ليا كان حطط تربة طينية و مغطيها من فوق بتربة صناعية و ده خلاها تنشف من تحت و من فوق تبان انها لسة مبلولة و دي مشكلة قابلت ناس كتير و ماتت منهم و بطلوا يشتروها; عشان كدة لازم تتأكد من النبات الأنت بتشتريه كويس و اذا جبت واحدة و طلع فيها المشاكل دي حاول تغير اكبر كمية من التربة و تغير القصرية و التزم بالتعليمات مع طريقة الحبل في الري عشان تقلل الصدمة.

الري:

بتحب التربة تكون علي طول مبلولة مش ناشفة او غرقانة مية يعني تروي النبات لما او 1 سم من التربة ينشف و في الشتاء 2 سم. لما تنشف الورق بتاعها بينام و في الحالة دي ممكن تسقيها من تحت و متسبهاش في المية اكتر من 15-30 دقيقة. الري الزايد بيخلي الورق يبقي بني.

التسميد:

سمدها كل شهر مرة. لو تسميد النبات زايد هايخلي الورق اطرافه تتحرق و ممكن بقع بني. التسميد الضعيف هايخليها متنتجش ورد و نموها هايقف.

الاضاءة:

ممكن تتربي في الضوء الضعيف بس يفضل لفترة قليلة و لكن بتفضل الضوء الساطع بعيد عن الشمس المباشرة. الضوء الزايد بيخليها تبهت او تصفر او تتحرق. الضوء الاقل من احتياجها بيخليها متنتجش ورد.

الحرارة:

بتحب درجة حرارة من 18 ل28 درجة مئوية.

المراجعات

لا توجد مراجعات بعد.

كن أول من يقيم “”

لن يتم نشر عنوان بريدك الإلكتروني. الحقول الإلزامية مشار إليها بـ *